Ko e Fakatātā ʻo e Fehokotakinga Fonua ʻoku Fakamanatu ʻe he Tuputupulefanuá.
Ko e taumuʻa ngāué ke takitaha e Haʻa Tuʻi ʻo Onoʻahó he mape, ka ko e ngaahi mape pe eni ki he Tuʻi Tongá kuo lavá.
Sanuali 2024, kuo ma'u e ngaahi fakamatala ke tānaki ki he ngaahi mapé ni ka 'oku te'eki ma'u ha faingamālie ke fakahoko e ngāue ko iá.
'Oku kau 'i he ngaahi fakamatala ko iá ʻa e toko valu ʻa e Faleʻalo ʻo Tangaloa ʻEitumatupuʻá.
'Oku hokohoko atu pē hono fokotu'utu'u mo fakalelei 'o e ngaahi mapé ni.
'Oku fa'a kehekehe 'a e ngaahi hohoko ki he ngaahi to'utangata ki mu'a he 1900, ka 'oku faka'ofo'ofa pē ia ke tauhi mo fakalau kotoa, he 'oku nau fakatolonga fakalūkufua hotau ngaahi fehokotakí.
'Oku siʻi haʻatau hanu, ka tau faka'atu'ia, ko e mālō hono tauhi mai 'e heʻetau ngaahi Kui kuo mama'o atú 'a e me'a 'oku tau lolotonga ma'ú. Ko e ngāue leva ia 'a kitautolu ke tau tānaki mo
fakama'opo'opo lelei atu hotau fehokotakí ki he kaha'ú.
Ko e tohi hohoko ko ení ko e Tuputupulefanuá, ko e tohi hohoko 'a e Tonga kotoa. Ko hono taumu'á ko e fakatolonga 'o e uhotaha ne taa mei ai 'a e Tongá.
'Ofa ke hoko 'a e Tuputupulefanuá ko e tokoni ki he Tonga kotoa pe 'oku ne fie fekumi mo laukau 'aki hono tupu'angá.