Peesi 41

NA'E kamata 'a hono 1800 'oe ta'u 'oku malohi 'a Finau, ka na'e 'ikai ke kataki 'a Hihifo he nofo vaivai be, bea na'e 'ikai ke tuai 'enau tu'u 'o toe fai ha'anau feiga. I he ta'u be koia, 'i he mahina ko Febueli be Maaji nai, na'e 'alu 'ae tau Hihifo mei muifonua ki muifonua moe ta moe afi. Koe laka 'a Hihifo he hala 'e ua, bea hola aibe 'a Hahake 'o toko lahi 'ae to. Na'e tuli 'aibe 'ae ogo tau Hihifo 'o a'u ki he muifonua hahake 'oku fetaulaki ai 'ae ogo tau. 'Oku tauhele'i ai 'a Hahake, koe tahi e koe fili e. Fakamanavahe 'ae to 'o fokotu'u niu 'ae mate. Koe 'eiki na'e taki 'a Hihifo koe fu'u to'a ko Vaha'i.

Peesi 42

'Oku fakamatala 'a Vesoni ki he feigatau ni 'i he 'ene tohi. Na'a ne 'i Ha'abai ka kuo ne foki ki Toga fe'uga mo ia 'o ne jio tonu ai. 'Oku ne behe na'e to 'ae ni'ihi Hahake he ta kae bekia 'ae ni'ihi he tahi. Ne ogo 'oku fakamatala 'a Vesoni ki he tau moe hola 'a Hahake moe fokotu'uga 'aga'aga 'i muifonua 'i Hahake ka 'oku 'ikai ke tu'u 'ene tohi 'ae higoa 'oe 'eiki na'e taki 'a Hihifo be koe higoa 'oe feitu'u na'e fokotu'u ai 'ae bekia, ka 'oku kei manatua he kaiga Toga 'ae higoa 'o Vaha'i moe feitu'u ko Boha moe higoa 'oe feigatau ni koe Tau Fakalelemoa be Fakalagavaka.

Na'e foki 'a Hihifo ki Hihifo 'o gaohi honau kolo, bea kuo 'oji gaohi ia ke malohi 'i he toe ha'u ki Toga 'a Finau. Na'e hifo ki Toga 'a Finau moe tau tahi o fakataha mo kinautolu 'a Ma'ofaga, 'o nau o ki Hihifo 'o tau'i ia. Na'e'malohi 'ao ta moe tali kao tu'u 'a Hihifo 'o teke'i 'a Finau 'o tuli ia mo 'ene tau ki tahi, bea nau heka vaka 'o folau ki Ha'abai. Na'e vave 'ae foki 'a Finau mei Ha'apai ki Toga 'o ne hifo ki 'uta 'i Hihifo 'o toka malumu he gahi hala kae tuli 'ene tau 'ae kakai he gahi hala 'oku toka ai 'ae malumu. Na'e toko lahi 'ae kakai Hihifo na'e tamate'i behe, kae ta'eaoga be he tala'ehai e malohi ha taha he fonua he fai behe. Koe agafai koia e fakamamahi ai ha fonua kae 'ikai ke ikuna ia. Bea galigali kuo mei tuku e Finau 'ae feiga ke malohi ki Togatabu. Na'a ne foki leva ki Ha'apai mo Vava'u, o nofo ai, kae toutou ha'u ki Toga moe ta moe afi. Na'e lahi 'ae maumau mo'ui moe fuga fonua 'ae fa'a 'oho ki Toga 'ae tau mei Tahi ka na'e 'ikai ke ma'u ai 'e Finau 'a Togatabu bea na'e 'ikai ke foi 'a Hihifo ne ogo na'e fa'a ta honau kakai mo tutu honau gahi fale mo ta 'ae gahi 'akau. Fakabo e maumau moe fakamamahi he gahi ta'u koia, bea hoge vale 'a Toga he fa'a ta 'ae kakai mo maumau'i 'ae gahi goue.

Koia na'e mole atu 'ae gahi ta'u he kamata hono hogofulu ma hiva 'oe senituli, koe gahi ta'u 'oku fonu he mamahi moe feteleni moe gahi aga fakalusa. 'I hono