Tā Koá ni Neu Mohe
Koe Hiva 'o Sēmisi Kalaniuvalu Fotofili kia Sisilia Tu'itavake 'oe 'Api ko Faletu'uloto Koe fa'u 'a Tēvita Kavaefiafi Malukava
Tā koá ni ne u mohe
'O misi 'oku ou 'i he mo'unga
Fekita moe 'ofa ki moana
'Ā leva 'o tāfu'ua
Tala 'e he konisenisi
Ava e matapā koula
Faka'amu noa 'ae loto
Keu sei he fisi e vunga
'E te siofia e 'atā
Manuma'a 'ena 'oku puna
'O va'inga he vao hingano
Pea foki mai 'o tu'ula
'I he ve'eve'e faifio
Luva mei he Futu-ko-Vuna
Kae 'ilo 'oku mānoa
'Ae Mapa ko Mata'i'ulua
Tau:
Taumaiā
Keu puna atu ke mama'o
Ke u to'o hake pea 'omi
'Ae Vailahi moe Kaho
'O li atu ki 'Onemalama
Moe fu'u fā 'i he ano
Koe fakamo'oni e loto
Kuo fonu he 'ofa manako
