| Lihamu'a |
| | Tīsema
ki Sanuali |
| |
Ko aú ni ko Lihamu'a
'Uluaki māhina fakakuongamu'a
Ko e māfana 'oku ou ha'u mo au
Pea moto ai 'a e ngaahi 'akau
Hoto hingoá ngali fakaofo
Ko e fanafanau ai e oo
'Oku lau 'i hono talatupu'á
Ko e 'omi mei Pulotu tokua |
| | | | | | |
|
| | |
| | |
| Lihamui |
| | Sanuali ki Fepueli |
| |
'Alā ko Lihamui eni
'Oku ou ha'u mo e faka'afu'afú
'Oku ou fakafua 'a e to'ukaí
Mo e kakala 'oku tangitangí
'Oku 'ilo 'e ha'a toutai
Tā 'anga 'o e 'ika 'eiki 'i tahí
Pea 'oku hiva 'a e manupuná
He fofonga mo'ui 'a e fonuá |
|
| | |
| | |
| | | | | | |
| Vaimu'a |
| | Fepueli ki Maʻasi |
| |
Ko Vaimu'a hoku hingoá
Ko e 'uho'uha 'eku koloá
'Oku talitali fiefia kita 'ehe fa'á
Ko e koto mo'ui ki tōkangá
Ko e 'ulufonuá 'oku lanumata
'Asinisini hono 'ea 'ene ma'ā
Pea ma'u inu ai 'a e kakaí
Moe
ngaahi me'a mo'ui he lalo langí |
|
| | |
| | |
| | | | | | |
| Vaimui |
| | Maʻasi ki ʻEpeleli |
| |
Ko au 'eni ko Vaimui
Fetu'utaki'anga 'o e lau 'o e 'ufí
'Oku tupu tāʻiliʻili
He ko hoku angá ko e havilivilí
'Ou 'omi e 'uhá mo e hakó
Ke tafi 'a e 'ulí ke mama'o
Kae ma'u 'e he kelekelé ha lelei
Telia 'a e nofo 'i he ko 'ení |
|
| | |
| | |
| | | | | | |
| Fakaafumo'ui |
| | ʻEpeleli ki Mē |
| |
Ko Fakaafumo'ui kita
Ka 'oku fa'a manavahe'ia
'O toho 'uta 'a e folau vaka
Tokua ko e māhina afa
Ko e me'a ia 'oku ta'e'iloa
Hoku anga ha hoku hingoa
'Oku ou laku ta'otupu ki he ta'u
Ha he fefafa 'a e amanaki ma'u |
|
| | |
| | |
| | | | | | |
| Fakaafumate |
| | Mē ki Sune |
| |
Nga'ata, ko au faka'afumate
'Oku ou ngaohi 'a e mohuku ke mae
Kekena 'a e 'ulufonua
Laumea 'a e ta'u 'i 'uta
'Oku teu malolo 'a Natula
Kumi ivi ki he ngaue fakafua
Pea longomo'ui ai 'a e nofo
He matangi 'oku angi mokomoko |
| | | | | | |
| Hilingakelekele |
| | Sune ki Siulai |
| | Ko Hilingakelekele au
'Oku fakaū ki ai 'a e laú
Ko au 'oku utu ai 'a e ta'ú
Fai kātoanga ko e mahú
'Uhinga ia hoku uí
Ko e utu fo'ou 'o e 'ufí
'O kelekelea hono kilí
Fa'u palepale ki hono hilí
|
|
| | |
| | |
| | | | | | |
| Hilingamea'a |
| | Siulai ki ʻAokosi |
| |
Ko au ē Hilingamea'a
Ko e tama au ki ha tamá
Fakahā'anga 'o e tangatá
Fakapikopikó ko au ho mā 'angá
Langa feleoko ai 'a e fa'á
Fa'oaki fua si'o kakavá
'Oku tau'ataina mo mo'oni ha taha
'E ala tonu ki he'ene ma'alá |
|
| | |
| | |
| | | | | | |
| 'Ao'Ao ki Masisiva |
| | ʻAokosi |
| |
Ko e motu'a au ko 'Ao'ao
'Oku fai ai e fakavao
'Eku ha'ú mo e matangi Tongá
Lave mai ha pulopula 'e hau'aoa
Kau fefine fanongo kau tala atu
To'o e fua ho nimá ko e ngatu
Ho'o ongosiá ko e tali 'eku ha'ú
Malu'i ho hoa mo e fanaū |
|
| | |
| | |
| | | | | | |
| | | | | | |
|
| | |
| | |
| Tanumanga | |
| Sepitema |
| |
'Oku ui au ko Tanumanga
Tofi 'a e pulopulá ke lava
Pea tuku ai 'o tanu ke pala
'Oku 'i he tama ngoué hono anga
Kae hā leva he ngaahi 'akau
'A e huli moe mo'ui hono laú
Kamata ofo 'a Natula ke ngaue
Fiefia 'a e me'a fulipē |
| | | | | | |
| | | | | | |
| Fūfūnekinanga |
| | ʻOkatopa |
| |
Ko au Fūfūnekinanga eni
'Oku hauhaufano 'a e matangí
Fanguna e mohukú ke tahuli mai
Lito 'a e 'akaú 'o talamuka
Ongo'i 'e he tangatá 'oku fu'u fiefia
Laka atu ki hono fatongia |
|
|
|
|
|
|
|
|
|
|
|
|
|
|
'Uluenga |
|
|
Nōvema |
|
|
Ko e māhina au ko 'Uluenga
Ko e hongehongé kuo mateka
Tolofoha e tokamu'a 'o e ta'ú
Ko e 'amanakí 'oku ou ha'u mo au
'Ulu'akaú kuo failau
'O tau 'a'eva 'i hono maluú
Taimi kupenga 'o e toutaí
Ka si'i 'a 'utá, fakalato mei tahi
|
|
|
|
|
|
|
|
|
|
|
|
|
|
|
'Ō'oamofangongo |
|
|
Tīsema
|
|
|
Ko kita si'i 'Ō'oamofangongo
'Oku ō mo e fakapotopoto
'Oku tāi'ī ai 'a e me'atokoní
Faka'au mo e vaí ke 'osi
Ako ai 'a e fakatuhotuhá
He nofo 'i 'api pea mo 'utá
'Ilo ai e taimi mo hono me'á
Ta'etokangá kuo pau ke lavea
|
