| ...............Palōveape............... |
Tupu'anga |
...............'Uhinga............... |
| 'Aafia
e mala kehe |
Ko
ha taha kuo 'alu o kau ha 'apo
koe fiekaunga mamahi moe famili 'oe pekia neongo 'oku 'ikai kainga ki
he
pekia. |
Koe
lea pau'u ki ha tangata kuo
hela he 'eva ki ha ki'i fefine kae iku o mali e ki'i fefine ia moe taha
kehe. |
| Hange
ha mata ta'e pokia |
Koe
pokia ko hono tapuni'i ia 'oe
mata 'oe pekia. |
Ko
ha taha kuo mo'usioa ta'epete
fuoloa. |
| Hange
ha mate mutukia |
Koe
mate mutukia koe mate kei talavou. |
Ko
ha me'a kuo tu'u fakatu'upake
pe mole fakafokifa. |
| Lau
ho fala |
Koe
mahino pe 'e mate ha taha 'e
kamata leva hono fakalautelau e koloa ke fua 'aki e fatongia 'oku
'amanaki
ke hoko mai. |
Koe
fakalea ki he taimi 'oku mahino
ai 'e 'ulungia ha fa'ahi 'i ha fe'auhi.
Tatau
pea moe To ho aveave. |
| Matamatalelei
fakafa'itoka |
Neongo
ka teuteu'i faka'ofo'ofa
ha fa'itoka he 'ikai pe fie nofo fuoloa ai ha taha ia he 'oku
fakailifia
mo tevolo'ia. |
Ko
ha feitu'u pe me'a faka'ofo'ofa
kae 'ikai pe loko manakoa. |
| Me'a lelei koe 'ofa ki fa'itoka pe 'E lelei ange 'ofa ia ki fa'itoka |
Koe lea eni a Sivao ki hono hoa ko Fineme'e 'i he taimi na'a na fakapapau ai 'e sai ange ke na li'aki 'ena tama ne toki fa'ele'i ka kuo 'ulukihelupe (ne hoko 'o 'iloa ko Va'elaveamata) 'i hano 'ilo 'e he kakai pea tautea ai kinaua pea toe ma'u ai mo ona luma. Koe 'uhinga 'a Sivao te na ofa ma'u pe ki he'ena tama 'i ha'ana manatu ki ai kuo mate 'i ha'ana feinga tauhi pea na manatu ma'u pe koe tupu'anga ia 'o 'ena faingata'a'ia. 'Oku ngaue 'aki tatau pe ki ha mahaki kuo hela hono kau tauhi 'i hono tauhi pea kuo kamata ke nau fakakaukau kapau ne 'osi mate 'o tanu ki fa'itoka 'e hokohoko lelei ange ai 'enau 'ofa, ka koe faifai 'ene mo'ui fuoloa pea 'e toe maha 'enau 'ofa 'a nautolu hono tauhi. |
Koe 'ofa pe kataki 'oku 'ikai tolonga ka 'e faifai pe pea 'osi. |
| No'o
u'a poaki |
Koe
no'o u'a ko hono fakasisina
ia 'o ha taha 'i he kainga 'oe pekia ke tanu fakataha moe
pekia.
Koe ouau eni na'e pusiaki'i mai mei he kau Fisi pea na'e taitaitaha pe
hono fakahoko. Ka kole 'ae taha kuo teu ke no'o u'a ke
fakahaofi
ia (poaki ke hao) 'e kei fakahoko pe 'ae no'o u'a ia ki ai. |
Ko
ha taha kuo feinga ke kalo mei
ha fatongia kuo 'osi pau. |
| Tala
fai ki tano |
Ko
tano koe feitu'u na'e 'ikai
'ilo 'e ha taha pe 'oku tu'u 'i fe. Ka 'i ai ha kole 'oku
'ikai tali
'oku hange pe ia ha kole fai ki he feitu'u ta'e'iloa ko ia ko tano. |
Koe
kole 'oku 'osi mahino pe 'e
'ikai tali. |
| To
ho aveave |
Na'e
to 'ae aveave he fa'itoka
ke faka'ilonga'i 'aki e tu'u'anga 'oe fonualoto. 'A ia koe
aveave
koe faka'ilonga ia 'oe iku'anga 'oe mo'ui, pea koe mate koe kananga ki
he 'ulungia 'i ha fe'auhi. |
Koe
fakalea ki he taimi 'oku mahino
ai 'e 'ulungia ha fa'ahi 'i ha fe'auhi.
Tatau
pea moe Lau ho fala. |
| Tu'ui
ta'e fakakava |
Kapau
'e 'i ai ha feitu'ui faka'ofo'ofa
kae hala he kava, 'e maumau hono faka'ofo'ofa koe ta'e kakato hono
ouau.
'Oku
toe hange pe ha'ate 'alu o
vakai ha taha mo ha moa pe puaka kae 'ikai hano me'akai ke kai
'aki. |
Ko
ha me'a faka'ofo'ofa kae mele
koe 'ikai kakato hono ouau. |
