| ...............Palōveape............... |
Tupu'anga |
...............'Uhinga...............
|
| Fulihia
mo 'elili |
'Oku
tufi e 'elili mei 'ulu'ulu
ka 'oku fa'a fakatu'utamaki e 'ulu'ulu he koe fasi 'anga ia 'oe ngaahi
fu'u peau mei moana. Ka 'ikai ke te tokanga 'e hoko 'e te
'alu ki
'ulu'ulu ko hono fulihi fakataha kita moe 'elili 'e he peau. |
Ko
hono
kataki'i
'o ha faingata'a koe 'uhii koe lelei 'e ma'u mei ai. |
| Koe
lolii´
foki 'e vau |
'Oku
ma'u ngofua 'ae loli 'i hakau
pea 'oku pau ke tomu'a vau hono kilii kae toki kai. Ka 'alu
ha kau
fangota ki hakau pea 'ikai fu'u ola lelei 'e talu ai pe 'enau tafoki 'o
vau loli. |
Ko
ha kakai
kuo 'ikai ma' ha me'a kenau talanoa ki ai pea nau tafoki leva nautolu
'o
lau'i ha taha. |
| Maumau
e 'elili koe loka´ |
Koe
loka koe tahi hou. 'Oku
ma'u ngofua e 'elili 'i 'ulu'ulu kae kapau 'e loka 'ae tahi 'e
fakatu'utamaki
e 'alu ki 'ulu'ulu. |
Ko
ha me'a
lelei kae faingata'a e a'u ki ai. |
| 'Oku
'ikai tunu pe 'unga pea kula |
Koe
taimi 'oku tunu ai e 'unga
koe faka'ilonga 'ene moho 'ae 'ene kulokula, ka 'oku taimi pea toki
moho,
'oku 'ikai li hifo pe pea kula leva. |
Koe
'uhinga ki ha me'a 'oku taimi
pea toki haa ono ola. |
| Pulou
kema |
'Oku
malu 'aupito 'ae vasuva 'i
hono kema, pea 'oku 'ikai faingofua e a'u ia ki he fo'i vasuva ka
mapuni
hono kema. |
Ko
ha taha
'oku 'ikai ma 'i he kole pea hange kuo pulou kema hono me'a maa
'ona.
'Oku tatau eni moe Hange ha la'e
ha'i kapa 'i he peesi Paloveape Sino.
|
| Tāfola
vetevete afi |
Na'e
fa'a tunu mo'ui pe 'ae tafola
ka ne toki veteki 'e ia 'ae afi he'ene fute. |
Ko
ha taha
'oku talangata'a ki ha tu'utu'uni pea fakatupu moveuveu. |
| Tākanga
'a pipi mo kahi |
Koe
pipi moe kahi koe ongo fingota
'oku na fa'a nofo fakataha ma'u pe ka 'oku fa'a hanga hake pe 'ae kahi
ia 'o kai e pipi. |
Koe
vaa kovi
'a ha ongo kaungame'a. |
| Tanu
a 'ū'ū |
Koe
taimi 'oku hu ai e 'u'u ki
he 'one'one 'e lava pe 'o lau mahina pea te pehe 'e kita kuo mate kae
taa
koaa oku kei mo'ui pe ia. |
Ko
ha taha
pe me'a kuo pulia fuoloa kae fakafoki fa pe kuo toe 'asi. |
| Tonuhia
e kaloa'a´ ka
koe vaka´ |
Koe
kaloa'a koe fingota 'oku 'ikai
fa'a 'unu holo. Ka 'alu leva ha vaka fangota kaloa'a ki ha
potu fangota
pea 'ikai ma'u e fangota koe kovi ia 'ae vaka he taha ni 'oku fa'a 'unu
holo e kaloa'a ia. |
Ko
hono
tukuaki'i
'o ha taha ki ha me'a ne hoko. |
| 'Unga
toho nge'esi |
'Oku
kumi 'e he 'unga ha fa'ahinga
nge'esi pe ke fale ki ai, 'o a'u kapau ko ha nge'esi mamafa te ne kei
toho
holo pe. |
Ko
ha taha
'oku piki ki ha me'a kuo ne ma'u, neongo 'oku 'ikai fa'a lelei ma'u pe
ki ai. |
| 'Utu
tahi mo alaala to'o |
Ko
ha taha kuo 'alu koe 'utu tahi
pea nofo ai pe ai 'o fai 'e ne ki'i fangota. |
Ko
ha taha
kuo 'alu ke fai ha me'a pea iku ia 'o fai e me'a kehe. |
