...............Palōveape............... |
Tupu'anga |
...............'Uhinga...............
|
Haka i langitau |
Koe langitu'a koe kau hiva ia 'oku nau hiva he faiva. Koe langitau koe mafana mo a'ua'u lelei ia 'ae hiva 'ae langitu'a. 'I he taimi ko ia 'oku toe mafana mo malie 'aupito ange ai 'ae haka ae kau faiva, 'a ia ko 'enau haka ia 'i he langitu'a kuo tau. |
Ko ha ngaahi ola lelei mo fakafiefia kuo tupu mei ha ngaahi ngaue lelei ne tomu'a kamata pe fakahoko. Fakatātā - Hono 'ikai ke tau kei hakau i langitau he 'aho ni koe tau'ataina ne foaki 'e he 'uluaki fa. |
Malanga'i faiva |
Koe lea eni ki ha taha 'oku 'ikai fu'u poto he faiva pe ve'ehala ka kuo mafana ia 'o puna ki 'olunga koe 'uhii fakalata mo mafana 'ae faiva 'oku lolotonga fai. |
Ko ha taha 'oku kau fakakaungakau 'i ha ngaue pe faiva. |
Nofo 'a maama kae kailao 'a fakafa'anga |
Ko Fakafa'anga koe nofo'anga ia 'oe kau taulatevolo. Tokua 'oku faiva vakee paapaahia pe kau tevolo ia 'i Fakafa'anga kae hala 'ataa ketau ilo ia 'e tautolu 'i Maama ni. |
Ko 'ete nofo ha feitu'u 'o muunoa ki ha me'a 'oku hoko ha feitu'u kehe. |
Taka i lalo hakanga |
Koe hakanga (haka'anga) koe feitu'u ia 'oku fai ai e ako faiva. Koe lalo haka'anga koe tangutu ia 'ae kau mamata 'o sio hake ki he haka 'ae kau faiva pea nau kai ai pe he hiva moe fa'ifa'itaki. 'Oku 'ilonga pe ha taha ne taka 'i lalo haka'anga koe 'ikai toe ha ta'anga, fasi, faiva moe haka kehekehe he'ene 'ilo'ilo ki ai. |
Ko ha taha 'oku taukei 'i ha fa'ahinga me'a koe uhii koe feitu'u pe kakai na'e tupu hake ai. Fakatātā - 'Ikai ke tau ofo he pōto'i faiva 'a 'Ana he koe taka i lalo hakanga. |