Ko e fakatātā eni ki he Taumafa Kava naʻe tā ʻe Tongapōteki Malohifoʻou, ʻi he heʻene Tohi Nouti mo e Fakamatala ki he Ngaahi Koloa mo e ʻUlungāanga Tukufakaholo ʻa e Tongá.  Ko Tongapōteki Mālohifoʻou´ ko e Tangata ia ʻo Vavaʻu Lahi, ko e Hako ʻo ʻUlukalala, Toamotu, Fakafanua, Lauaki moe Falefā ko Faingaʻa.

ʻOku makehe foki ʻa e tā ko eni ʻa Tongapōteki Malohifoʻou  he ʻoku ne tānaki ʻa e ngaahi kolo ʻo e Houʻeiki ʻi he ʻAlofí, ʻa ia ʻoku ʻikai ʻasi pehe ʻa e ngaahi fakatātā kehe ki he Taumafa Kavá.

ʻOku ʻoatu e fakamālō ki a Toketā Tēvita ʻŌ Kaʻili, ko e Mokopuna ʻUluaki ʻo Tongapōteki Mālohifoʻou, ʻi heʻene loto angaʻofa ke vahevahe atu heni ʻa e Ngāue Mahuʻinga ko eni ʻa ʻe ne Kui.

Koe fakafuofua ʻa Toketā Tēvita ʻŌ Kaʻili, ko e ngaahi taʻu ʻo e 1973 ki he 1975 nai eni, ne fakahoko ai ʻae ngāué ni.