|
1 Nofo ʻi Walu Bay
Mo e Taulanga Suva
Mamata he peau
Taumakulu hoku loʻimata
2 Launoa ʻa e meʻa kotoa
Taulofuʻu hono haʻahaʻa
Ifo ʻa faʻitoka
ʻI he nofo natula
3 ʻĀ hake ʻo fanongo
Ki he taufa naʻe tō
ʻO ne holoki ʻa e lotó ni
Kafo ai mo hoku sino
4 Naʻe tatau kiate au
ʻA e ʻaho mo pō
Uisa fakapō
He ʻikai te ke siʻi ngalo
5 ʻIsa he meʻa mamahi
Neu aʻusia ai
Tali loto fiefia
Hono faingataʻa
6 Teu hanu nai kia hai
Hanu launoa pe
Kuo lava ho lotó na
Kau ʻalu ʻo hē
|
7 ʻOi kae neongo ia
Huni tangitangi
Neu lau ʻe au
Ko siʻoto hēvani
8 Mohe ai pea te ofo
Kohai naʻe fafangu
Fafangu ʻe he kelesi
ʻO e mohe manatu
9 Ki he pupunga siueli
ʻO Fasimoeafi
He ʻikai te ke ngalo
Ha houa mo e miniti
10 Ko siʻoto kakala tapu
Naʻe tuku kau ʻalu
ʻE toki veteki
ʻO ka ngalo leva au
11 ʻAi ange hao lau
Mo haʻo fakakaukau
He koe ʻofá ni
Kei tuli mui atu
12 Neu silaʻi fakamaʻu
ʻI he puka ʻo e manatu
Ko e fakapapau
Teu mate pe mo au
|
