Ko e faʻu ʻa Feke, ko e hiva ʻo ʻAna Vea mei he ʻapi ko Pema, Longopau, pea ko e 'uhinga ia 'o e Lose 'o Pema.

ʻOi, teu tangi au, ʻisa he ʻuhinga kuo maumau
Ho to, ho to palavalu, naʻe tukuloto heʻeku manatu
Kuo hoko ko siʻoto makakafu, ho to kōfini ʻe ʻalu mo au
Ka ko ʻena aa siʻeku ʻofa ni, ʻatu aa ko ho lolo takai
Ka ko ʻena aa siʻeku ʻofa ni, ʻatu aa ko ho lolo takai

ʻOi, Funga Vailahi, tengihia ʻeni siʻoku loto ni
Pehe, pehe ange mai, ke ta vahevahe siʻoku mamahi
ʻOi he matangi ne feangiaki, matangia ai, siʻoku ʻatamai
Hoiaue, teu lea ʻasi, manava ʻaki, siʻeku mamahi
Hoiaue, teu lea ʻasi, manava ʻaki, siʻeku mamahi

Teu, lea he moʻoni naʻaku fūfū ʻi hoku loto ni
Loto, ne kalusefai, ʻe te muimui fie taliangi
Sai pe aa, ka neu ʻikai, heʻeku moui ʻo loto mamahi
Teu fai aa ki ho mo loto, kae hoko ko siʻoto fakapō
Teu fai aa ki ho mo loto, kae hoko ko siʻoto fakapō
ʻAlu, kau nofo he ke, fakamoʻoni kiate koe
ʻIkai, muʻa ke tatali, kae lava siʻoto fatongia ni
ʻIkai teu mau ha meʻa maʻau, ka ko ʻena pe haʻo Tohitapu
ʻAlu aa koe, peʻi ʻalu aa, ʻofa ke monūʻia ho hala
ʻAlu aa koe, peʻi ʻalu aa, ʻofa ke monūʻia ho hala

Ne te, puke maʻu pe, ʻo te lau ko siʻete siate
Lau, ko ʻeku koloa, ta ko aa ko, siʻoto faʻitoka
Fele'unga Heilala Pulupaki, ko e fe hato vaikauʻaki?
Sia ko Toloke teu fēfē? ko e tau e kuo fakate
Sia ko Toloke teu fēfē? ko e tau e kuo fakate

Teu, fiefia pe, ko hoʻo veteki ʻe ta talite
ʻOi, ʻoi ʻae tali ni, lumu e kakala, kau puke pe
Koe hongofulu taʻu nai ʻeni, ʻeku puke siʻeta palōmesi
Pōtea e, Ongo Haʻangana, milimili hao vala maʻamaʻa
Pōtea e, Ongo Haʻangana, milimili hao vala maʻamaʻa

Lose ʻo Pema