ʻIsa Lei Kuo Te Fiu He ʻŪkuma
Ko e Hiva ʻa e Funga ʻOnetaká
‘Isa lei kuo te fiu he ‘ūkuma
Tangi loto ‘i he ‘ofa fai ki he maʻumaʻunganoa
Fasi ‘a e ngalu kau lauloto aa
Fisihina e peau hengihengi pea hake e ‘ofa
Ki ‘Umutangata mo hono kakala
Fasimoeafi ko hoto mamana
Uisa he me’a mamahi failoto pe ‘e te uiaa
Ke ui ui noa pe ‘e lava nai ‘e hai
Mā’ili e matangi ‘i he fale ‘o e ‘ofa
Siueli mahu’inga silaʻi he‘ete ‘ofa tupu’a
Si’i naitingikeili he nanivi ‘a e ata
Ko e vale’anga ‘ete ‘ofa ke ta’emangalo ‘i ha kuonga
Ne ke hangē si’ato kahoa siueli
Pe ko hato mama taiamoni
Ne hoko ko ‘ete siate he kelesi ‘o e nofo taimi
’A natula ‘ene fotu mo ‘asinisini mo ho beauty
ʻOiauee ‘a si’ete tangiloto he mamahi
He kakala tapu ni ko hoto saulavani
Si’a siueli koula ko hoto hēvani
Laukau’anga ia ‘ete nofo māmani
Laukau’anga ia ‘ete nofo māmani
Angí na ‘a e ‘ea Tahakaeafe kei tu’u
Luva ‘anga e kakala ‘i ha pō hahau
Fele ‘a fe’ofa’aki teu vale au ‘i he manatu
Feluteni he maheni kuo motu loutou
Uta’anga ‘e te ‘eva li’ekina ka e ifo pē
Kau ‘utufia lo’imata ‘eku ‘ofa mamae
Uisa ee ‘ete ‘ofa ne paea he moana vavale
ʻĒseni e kakala nāpa’a lilo e nofo ko ee
