Fitu ʻĀlofi Koe Hiva ʻae Folaʻosi ʻOi Fitu'alofi mo Tengetange Moe Sia ko 'Ulukaulupe Hei 'ilo ai pe ngalo 'afē 'A si'ono 'ea ne tauele He na'aku sina tala atu pe 'Uta ki he Fala 'o Setane Koe potu 'oku 'au'au he 'E ma'u mo'oni ai ho vele He Niu Tu'utolu, Funga Matatoa Ka fehu'i leva 'e ha taha sola Pea te ke talaange 'e ngaloa 'Alu ki Veuki moe Fale Talanoa Ke ne tala atu 'a Tatakamotonga Ko homau 'api talu fuoloa 'Oku 'ilo ia he Lupe 'Anoa Pea tu'u ia 'o lauikuonga 'Io 'Otu Mu'a pea mo Fangatapu 'Utulongoa'a mo Takuilau Vai ko Puna pea mou 'alu 'Oiaue Pea lea Ha'apai mo Vava'u Kau foki ki he Kakala e Hau He Hingano he ko Makulu Mai Haku Kafu 'Io 'ae Tonga vou mo Ha'a Maau 'Ae Tongafisi hoku 'ofa atu Ha'u ke ta lulululu kau 'alu He koe vaka ni ia 'e folau Pea he'ikai ha toe tatau 'Ise'isa 'oku ke tauele kia au 'Io he 'oku ke 'ilo 'a Hakautapu 'Oku fihitā 'a hono peau He 'oku mokulu fakafele'au 'Oiaue Tukula kei ofi ka ke hafu Telia e Fokololo 'oe Hau Na'a ke tafia Ka ke loloa manatu He 'o ka lipoi he matangi liva 'O falala he siale afuhia Teki si'i sola 'o ne ilifia 'Oiaue 'O mahalo 'oku tevolo'ia Mahuʻu e tangi mei teuhia Pea ke vavanga 'O ke faka'ise'isa Kaka poini tu'u he 'ā maka 'O salute ki he Funga Taua Mo e Lupe 'oku kapa he Fuka 'Oiaue Telia e peau 'oe vaha Mo e huni 'oe 'otu loto'a Tau hipihipi tuee pe'i tofa 'Oi pe'i nofo aa kau 'alu 'O muimui folau Pea tala si'oku 'ofa Ki he 'Otu Maamaloa He 'ikai ngalo 'ia au Si'i 'Otu Motu 'o Tonga Hala Taufa'ahau Veiongo pea mo Kafoa Kutupai e fo'i lutua 'Oloveti he Funga Taua Kau kalo he hiku naua Paasi he hiku Taua Pea 'o kapau teu luva Te u lau ko 'eku koula Ko hoku tu'unga tupu'a Keu afe 'i Fa'onelua Fitu ʻĀlofi .... Folaʻosi Ngaahi Liliu [150613] Fakafōtunga fo'ou e peesi´.