'Aho Kai Fonu Ko e Hiva ‘oe Māna’ia ko Lepuhá Ko e fa’u ‘a Hala’api’api Havea, 1978 Angi e Tonga ‘o ne fanafana, he Māna’ia hila ki tapana O tuia hono loto tala’a, ke ne lapa ‘i he tau’aki tangata Pea ta tongi hono tafa’anga, ‘o fasi’anima hono haukafa Fangu e hahau pea toho vaka Tōkaki ʻene tango ki moana Tau: ‘Aho kai Fonu, Mavaelua Lau Kafo, kau Lau Taumu’a Tākanga ia, ‘a e Tangane ‘A e Lepoaki Veisiale Tataki e Sila lepa e folau, ‘o toli e Fā ko Avahungalu Ne manongi ‘ene ‘alaha ngangatu, ko hoto kahoa he vaha folau Ke lau’aitu vale ai ʻi ama, lepa tu’u kae fakana’ana’a Toli pea foki ‘o heka ki vaka Sei ‘i he ‘ofa ‘a tauanga’a Hake kae hifo atu e folau, ‘o fale’i ‘i he Houma ‘Utulau Ne hangē ha nimo i talafau, ‘i he matapā ‘i Lo’āmanu Ke fakafekita ‘a e ‘ofa loto, pea luva ‘a e kie laumomo Toka ‘a e Mafi ‘ilo ‘e he Poto Ka e fa’o ‘eku hui kapeloto Seuke! Mālie! Mālie! Aho Kai Fonu .... Kilisitina mo Seneti Fiusati Ngaahi Liliu [150613] Fakafōtunga fo'ou e peesi´.