| He'e Mata 'i Fale |
Ko e fakaʻilonga 'a'ahi, ka ko e fononga lelei |
Ko e 'asi pe ha he'e mata kuo pehe 'e he kāingá toka ange ha fononga lelei kuo mei a'u mai.
|
| He'e Mōmoa 'i Fale |
Ko e fakaʻilonga 'a'ahi, ka ko e fononga kovi pe fa'ahikehe |
Ko e 'asi pe ha he'e mōmoa kuo pehe 'e he kāingá ko e fononga kovi pe fa'ahi kehe 'e 'a'ahi mai.
|
| Helekosi |
Ko e fakaʻilonga matangi |
Ko e helekosí ko e manupuna ʻuliʻuli naʻe siu maʻuʻolunga he ʻataá pea ko hono hiku naʻe mavae ua ʻo hange ha helekosí.
Ko e ʻasi pe ha helekosi ne mahino leva ʻe hoko mai e matangi mālohi.
|
| Kuli Kō Po'uli |
Ko e faka'ilonga tevolo |
Na'e pehē ko e kulí na'e lava pē ia 'o sio ki he fa'ahi kehē, pea ko e taimi e ni'ihi ko e 'uhinga ia 'enau koó.
|
| Mafatua 'i ha Nofo'aki Me'a |
Ko e fakaʻilonga kovi |
Ka mafatua ha taha 'i ha nofo'aki me'a na'e 'itangi'i ke puna ki tu'a na'a ne toe ofongi kovi e kau maté.
|
| Mongomonga Puna 'i Fale |
Ko e fakaʻilonga 'uha |
Ko e puna hake pē ha mongomonga 'i fale kuo pehē 'e he kāingá 'e 'uha.
|
| Peka Tea |
Ko e fakaʻilonga ki Falelahi |
Ka 'asi ha peka tea na'e pehē 'e he kāingá 'e hoko e me'a mahu'inga 'i Falelahi.
|
| Sikotá |
Ko e fakaʻilonga putu |
Ko e sikotá ko e kiʻi foʻi manupuna lanu pulū mo hinehina fakaʻofoʻofa.
Ka fokifā ange pe kuo ʻasi ha sikotá naʻe pehē leva ʻe ʻi ai e taha he kāingá ʻe māloló.
Ka naʻe faʻa takitaha pe feituʻu mo e manupuna naʻa nau pehē ko e fakaʻilonga putu.
|
| Tā Lali mo e Fakaulu |
Ko e tuli ʻahiohio mo e tuli mofuike |
Ko e tō pe ha ʻahiohio pe mofuike na'e puna e kāingá ki tuʻa ʻo tā lali ke fakailifiaʻi ʻaki e ʻahiohió pe mofuiké ke hola.
Na'e kau ai mo e fakaulu.
Pea 'i he ngaahi kuonga mai ki muí naʻe kau mo e kapa mo e kulo hono taá.
Ko e kei siʻí ne kiʻi hōloa e ilifia he ʻahiohió mo e mofuiké he naʻe hangē ia ha taimi fakafiefiá ko e puna kotoa ki tuʻa ʻo tā lali mo tā kapa.
Ko e ngaahi ʻahó ni kuo tau maama pea mahino ʻoku ʻikai ilifia e ʻahiohió mo e mofuiké he tā meʻá pea kuo ngali vale ia ke fai pehē.
|
| Tafi Po'uli |
Ko e fakaʻilonga putu |
Ka fai ha tafi po'uli kuo kaila mai ha taha ke tuku na'a 'au e kāingá ki mala'e.
|
| Totototo e Mahina |
Ko e fakaʻilonga ki Falelahi |
Ka totototo e māhina na'e pehē 'e he kāingá 'e tō e taufa 'i Falelahi.
|
