Koe Kakala ʻae Tonga´

Koe Ngaahi ʻAkau Kakalá


 
Tuituivao
Koe Tuituivaó koe kahoa kakala motu'a taha ia 'ae Tongá, 'a ia ko ha fa'ahinga lau'i 'akau pe ia na'e mulu ʻo kahoa pe afei.  Koe lou mailé koe kalasi ia 'oe Tuituivaó.

Lou Maile
......
...
Fakalikutonga
Naʻe toe ʻi ai moe faʻahinga ʻoe Tuituivaó naʻe ʻiloa koe Fakalikutonga, ʻa ia ne kau ai e Lou Fataí, pe Fuetahi ne mulu pe ʻi matāliku ʻo kahoa pe afei.

Na'e fāi mai e nofó moe langalangaʻia ʻoe nimapoto moe mataotao 'a fafine Tongá ʻi hono filioʻi mo hono tui ʻoe matala, fua moe lau ʻoe ngaahi ʻakau kakalá. Ko hono olá ʻae ngaahi kakala hingoa ʻoku fakafōtunga atu hení.  Pea koe ʻulungāanga pau pe foki ia ʻi ono ʻahó koe meʻa lelei kotoa pe naʻe ngaohi ʻo hiki maʻa houʻeiki.  Ko ia naʻe tō ai e fatongia ʻo fafine Muʻa ko hono fakakakala ʻo houʻeiki he ko Muʻá koe nofoʻanga ia ʻo houʻeiki mo honau kau tauhí.

Fāʻonelua
.......................... ..........................
Koe Fāʻoneluá koe kakala tupuʻa mo tuʻuloa ia mei he ʻapi ko ʻOneluá ʻi loto Muʻa.  Ko hono matalá naʻe toki toli pe ke tui ʻaki e fakamokomoko ʻoe Tuʻitongá mo hono falé.

ʻOku ʻoatu e fakamālō kia ʻAna Tangataʻiloa Taufaʻao ʻo loto Muʻa ʻi heʻene angaʻofa ʻo tali ke vahevahe atu heni ʻene laʻi ʻata ko eni ki he Fāʻoneluá.

Koe ngaahi Kakala Hingoa leva eni ne tui koe Fakamokomoko ʻo Houʻeiki.


Alamea

Fakamatamoana

Fakaʻotusia


Lala

Nusi

Papai


Pito'ingalau

Tuitu'u

Ve'eve'e

ʻI hotau kuonga´ ni, kuo fakalakalaka ai pe 'ae talēniti 'o fafine Tonga´ 'o a'u mai ki ha ngaahi kahoa sitaila fo'ou mo laulōtaha moʻoni. Pea ʻoku ʻikai ngata pe ʻi he fakaʻofoʻofa ʻae tui´ ka koe toe mātai hono ngāue'aki 'oe ngaahi kakala moe ngaahi naunau faka-Uesite´, pea toe ʻatāloa ki ha taha pe te ne fie tui pe tāvani kakala.

Koe talēniti laulōtaha eni 'o Hepisipa Tangulu Tu'ipulotu 'o Tu'anuku mo Tefisi.


Ngaahi Nouti moe Ngaahi Liliu
[010613] Fakafōtunga foʻou ʻoe peesí.
[011013] Tānaki ʻoe talēniti ʻo Hepisipa Tangulu Tuʻipulotu.
[010314] Tānaki ʻoe ʻata foʻou ʻoe loumailé.
[160314] Tānaki ʻoe ʻata ʻoe Fāʻoneluá mei a Anna Tangataʻiloa Tauufaʻao.

JamesCocker14Nov00