Matakiniua Navosa
Koe Tohi Hohoko 'oe Fāmili ʻo Sitīveni Ulamoleka mo ʻIlaisaane Lolohea Fakaʻiloatonga Ulamoleka
ʻOku fakaʻau ʻa e ʻahó mo e hiki tahataha atu siʻi ngaahi Tamaí mo e ngaahi Faʻeé ki hotau ʻApi Fakalangí. ʻOku langa ai e manatu melie ki he kuohilí mo e tupuʻangá.
Ko ia kuo fokotuʻu ai e tohi hohokó ni mo e fakaʻamu ke fakamanatu maʻu pē pea ʻoua naʻa ngalo ʻa e lotofale mo e tuʻungaʻapi ne tau tupu taha hake aí.
ʻOku ui ʻa e tohi hohokó ni ko Matakiniua Navosa. Ko Matakiniuá ko e hingoa ia ʻo e ʻapi ʻo Ulamoleká ʻi Neiafutahi, ʻi Vavaʻu.
Ko e tupuʻanga ia ʻo Sitīveni Ulamoleká.
Pea ʻoku hiki ai pē heni ke kau ʻi hono fakamanatú ʻa e malaʻe ʻo Ulamoleká ko Houmelei 'i Neiafutahi.
Ko Navosá ko e hingoa ia 'o e ʻapi ʻo Fakaʻiloatongá ʻi Nukuʻalofa, ko e tupuʻanga ia ʻo ʻIlaisaane Loloheá.
Ko Navosá ʻoku tuʻu ai e Tungī ʻĀkeiti ʻo e ʻahó ní. Ne foaki ia mo Pangaimotu 'e Tupou I, ko e pale 'o Faka'iloatonga 'i he'ene 'omai e kalia 'a e Tu'í mei Fisí.
Pea ko e fakahingoa 'o Navosá ki he feitu'u 'i Fisi na'e 'alu 'a Faka'iloatonga 'o 'omi mei ai 'a kaliá.
'Oku hoko atu e ngaahi fakamatalá ki he tupu'anga 'o Ulamoleka mo Faka'iloatongá 'i he ngaahi kupu hoko haké.
Ka ko e ongo tuʻungaʻapi ia mo e tupuʻanga ʻo e fāmilí ni ko Matakiniua mo Navosa.
ʻOku ʻoatu e fakamālō ki a Bonita Sela Tuʻifua Heletā Tangitau, Lilipeti ʻa Mataʻaho Pasifiki Tonga, Tu'itavake Tovi, Viliami Takapautolo Lousī, Sioeli Poʻoi Kaufusi,
Visilia Sevele, Sisīlia Mafileʻo Hōlani, Lani Leʻota, ʻInoke Taufa pea mo Uatesoni Lavulo, ko ha ni'ihi pē ia 'i he ngaahi makapuna ʻo Sitīveni mo ʻIlaisaane Ulamoleka, ʻi heʻenau tauhi mo
vahevahe mai ʻa e ngaahi fakamatala 'oku makatuʻunga ai e tohi hohokó ní.
Ko e ngāue eni 'a James Cocker, ko e taha mo ia ʻi he ngaahi makapuná. ʻOku hokohoko atu pē hono tānaki mo e fokotuʻutuʻu mai ʻo e ngaahi fakamatalá ki he tohi hohokó ni.
23 Tīsema 2022
Ko e Fāmili ʻo Sitīveni Ulamoleka mo ʻIlaisaane Lolohea Fakaʻiloatonga Ulamoleká
Ko e fānau ʻa Sitīveni Ulamoleka mo ʻIlaisaane Lolohea Fakaʻiloatonga Ulamoleká ko:
1. Vāsiti Teukialupe Ulamoleka Lātū
2. 'Atuikapapalangi
3. Mā'ata Mafi Ulamoleka Taukolo
4. Sisīlia Toumo'ufiholo Ulamoleka Lavulo
5. Tēvita Kaufusi Ulamoleka
6. Mele Munakifalemei
7. Falefehi Ulamoleka
8. Longo Ulamoleka Heritage
Ko Vāsiti Teukialupe Ulamoleka
Na'e mali mo Sione Niua Lātū 'o Angahā, Niuafo'ou, pea na fanau'i 'a:
1. Mele Vaioleti Loukakatisitangimaiketafihi Saffings
2. Lavenia Moli’ahu Heletā
3. Manase Fatuimoana (Manase Māmahi) Lātū
4. 'Ālisi Pauline Mafile’o FakahēkiSuva Cocker
5. Sela Tu’ifua Bonita Rounds
Ko Vāsiti Teukialupe Ulamoleka Lātū
Fakamālō kia Ron Lui, ko e mokopuna tolu ʻo Vāsiti Teukialupe Ulamoleka Lātū, ʻi hono vahevahe ʻo e ʻatá ni.
|
|
|
Ko Vāsiti Teukialupé ko e ʻofefine ʻeveʻeva ʻo Sitīveni Ulamoleka pea mo 'Amelia Fīnautu'ava'inga 'o Kolonga mo Hā'utu ki muʻa pea toki maʻuhoa ʻa Sitīveni pea mo ʻIlaisaane Loloheá. Ko e fakamatala ia kuo ma'ú pea ko e anga ia ʻo e tohi hohokó, ko e fekumi mo hiki e ngaahi fakamatala ʻoku lava ma'ú. Kaekehe, 'i he'eku tupu haké mo e vakai ki he anga ʻo e feʻofoʻofá ni ʻa ʻeku Kuí, ʻAlisi Cocker, ko e tama 'a Teukialupe, mo hono ngaahi kāsini 'uluaki ʻi he fāmili ʻo Sitīveni mo ʻIlaisaane Loloheá, naʻe 'ikai hano fakakehekehe ʻo Teukialupe ko e lahi 'i he fāmili ʻo Sitīveni mo ʻIlaisaane Loloheá.
Ko Teukialupé na'e folau kei finemui ki Fisi pea na'á ne 'ave hono fanga tehiná ki Fisi, pea nau fefolau'aki ai pe 'i he vaha'a 'o Tonga mo Fisí. 'Oku 'ikai ma'u ha fakamatala pau pe ko e hā e tupu'anga 'o e fefolau'aki ko iá. Ka ne iku 'o fe'iloaki 'a Teukialupe mo hono 'ofa'angá ko Sione Niua Lātu 'i Fisi pea na toki foki mai ki Tongá. Na'e hokohoko atu ai pē 'a e fefolau'aki ki Fisí 'i he fāmilí, 'o iku ai e konga 'o e fānaú mo honau hakó 'o nofo Fisi ai pē 'o a'u ki he 'ahó ni.
Ko Mele Vaioleti Saffings mo ʻĀlisi Cocker, mo hona tuongaʻané ko Manase Lātū
|
|
|
Ko Mā’ata Mafi Ulamoleka
Na’e mali mo Ma’ake Taukolo 'o Fakatu'afonu, Neiafu, Vava'u, 'o na fanau'i 'a:
1. Tevita Fau’ese Faka'iloatonga*
2. 'Osaiasi Mateialona Kavamavae'aPeniueti Taukolo
3. Manase Taukolo
4. Uatesoni Taukolo Faka'iloatonga*
5. Sisilia Valamotu Taukolo
6. Sitiveni Ula Taukolo
Ko Sisīlia Toumo’ufiholo Ulamoleka
Na’e mali mo Saimone Vavaepapālangi’aTungī Lavulo 'o Kolofo'ou 'o na fanau'i 'a:
1. Kalolaine Toe’umuolotuma Koloamatangi
2. Ruby Tokilupe Edwards
3. Sione Vavaepapalangi Lavulo
4. Vili Vavae Lavulo
5. Kapukapuo’uiha Lavulo
6. Loupua Lavulo
7. Longanimote Lavulo Faka'iloatonga*
Ko Sisilia Toumoʻufiholo Ulamoleka Lavulo
|
| 'Oku 'oatu e fakamālō kia Maryann Lavulo, ko e mokopuna ua ʻo Sisīlia Toumoʻufiholo Ulamoleka Lavulo, 'i hono vahevahe mai 'oe 'atá ni.
|
Ko Tēvita Kaufusi Ulamoleka
Ko 'ene fānaú ko:
1. Filimohakautofua Kaufusi
2. Malia Falakika
3. Afuhia
Pea mali 'a Tevita Kaufusi Ulamoleka mo Sulieti Vakakihakaufisi 'o Taunga mo Utui, 'o na fanau'i 'a:
4. Solia’i Kaufusi Faka'iloatonga*
5. Toakase Kaufusi
6. Anaise Panipoʻoi Kaufusi
7. Kulī Kaufusi
8. Tēvita Longosai ʻOneʻone Kaufusi
9. Māfoaʻaeata Ika
Ko Fakaʻiloatonga Soliaʻi Kaufusi
|
|
|
Ko Mele Munakifalemei Ulamoleka
Ko ʻene fanau ko:
1. Veapina Laufilitonga
Ko e ʻofefine ʻo Soane Laufilitonga ʻo ʻUvea
Pea mali ʻa Mele ʻOfakifalemei Ulamoleka mo Sione Fifita ʻo Kolovai ʻo na fanauʻi ʻa:
2. Sela Fifita
3. ʻAisea Taufa Fifita
4. Siope Fifita
Ko Veapina Laufilitonga
|
| Fakamālō kia Uatesoni Lavulo, ko e mokopuna ʻo Veapina Laufilitonga, ʻi hono vahevahe mai ʻo e ʻatá ni.
|
Ko Falefehi Ulamoleka
Na'e mali mo ʻOfa Misieli Le'ota 'o Kolofo'ou, 'o na fanau'i 'a:
1. Sione Tukitoa Le'ota
2. Sīmote Le'ota
3. Save Le'ota
4. Sōfaia Le'ota
Pea mali 'a Falefehi mo Bai 'o Fisi, 'o na fanau'i 'a:
5. Timote Bai
Ko Longo Ulamoleka
Ko 'ene tama kia Tēvita Siamau Kulu ʻo Kolomotuʻa ko:
1. 'Otukolo
Ko 'ene tama ko:
2. Vila (Vera)
Pea mali 'a Longo mo Manase Kite 'o Ha'apai, 'o 'i ai 'a:
3. Pili Kite
Pea mali 'a Longo mo Ned Heritage 'o Fisi, 'o na fanau'i 'a:
4. Ned Heritage
5. Bill Heritage
Ko Longo Ulamoleka Heritage
|
| Ko e tā ʻeku Kuí, ʻĀlisi Cocker, ko e tama ʻa Vāsiti Teukialupe Ulamoleka Lātū, ko e taʻokete ʻo Longo Ulamoleka Heritage.
|
Nouti mo e Ma'ungatala:
* Ngaahi Vahevahe mo e Tohi Hohoko 'a Pita Saffings mo James Cocker ko e makapuna 2 'o Vasiti Teukialupe Ulamoleka, pea mo Etimoni Tuivai ko e mokopuna 3.
* Ngaahi Vahevahe mo e Tohi Hohoko 'a Taiana Katinia Lavakei'aho ko e mokopuna 2 'o Ma'ata Mafi Ulamoleka.
* Ngaahi Vahevahe mo e Tohi Hohoko 'a Lilipeti 'a Mata'aho Pasifikitonga ko e mokopuna 'o Ma'ata Mafi Ulamoleka.
* Ngaahi Vahevahe mo e Tohi Hohoko 'a Beautytalanoa Hala'api'api ko e mokopuna 2 'o Sisilia Toumo'ufiholo Ulamoleka.
* Ngaahi Vahevahe mo e Tohi Hohoko 'a Lani Le'ota ko e mokopuna 2 'o Falefehi Ulamoleka.
* Ngaahi Vahevahe mo e Tohi Hohoko 'a Fatai Kaufusi ko e mokopuna 2 'o Tēvita Kaufusi Ulamoleka.
* Ngaahi Vahevahe mo e Tohi Hohoko 'a Sioeli Po'oi Kaufusi ko e mokopuna 'o Tevita Kaufusi Ulamoleka.
Ko Ulamoleka
Ko e tupuʻanga ʻo Sitīveni Ulamoleka ne ma'uhoa mo 'Ilaisaane Lolohea Faka'iloatongá
Ko e Tuʻikanokupolu hono 7 ko Tupoulahimu'a na'e toe 'iloa ko Tupou'uli.
Ko e taha e ngaahi foha ʻo Tupoulahimu'a TK7 ko Tongamana, ko e tama 'a Lupemeitakui, ko e 'ofefine 'o Tungīmāna'ia Tu'iha'ateiho mo Takalalahi.
Nouti mo e Ma'ungatala:
* Tānaki mai e Tala ki he tupu'anga 'o e ki'i tamasi'i na'e ui ko Ula-mo-Leká.
Pea 'oku pehē na'e fu'u lahi hake 'a Ulamoleka ko e mataotao mo e kaivai pea kau 'i he'ene ngaahi ngāué hono 'omai 'o e peká ki Tongá,
pea ne fakahingoa hono ngaahi 'api 'i Tongá ko Neiafu.
Ko e Tala 'o e Peká
Pea na'e tokolahi e Hako 'o Ulamoleká, 'ikai ngata pē 'i Kanokupolu mo Hihifo, pea ko e va'a eni ne tupu 'i he fakatōtōla'ā 'a Ulamoleka ʻi Neiafu 'i Vava'ú.
Ko e fānau ʻe toko tolu ʻa Ulamoleka ʻi Neiafu ʻi Vavaʻú:
1. Sela Tu'ifua
2. Seini
3. Sitīveni Ulamoleka
Nouti mo e Ma'ungatala
* 'Oku 'ikai ha ma'u pau ki he fakahokohoko ʻo e fānaú, ko ia 'oku fakamu'omu'a pē 'a e ongo fefiné.
Ko Sela Tuʻifua Ulamoleka
Na'e ma'uhoa ʻa Sela Tuʻifua Ulamoleka kia Holokaukau Po'oi* 'o Falaleu 'o na fanau'i 'a:
1. Maka Siaosi Talatala
Ko Maka Siaosi Talatala
Na'e mali mo Makelita 'o na fanau'i 'a:
1. Tēvita Talatala Po'oi*
Ko Tēvita Talatala Poʻoi*
Na'e mali mo Falamoe 'o na fanau'i 'a:
1. Suliano Fau'ese Po'oi*
2. Tenisia Manutala'aho
3. 'Amelia 'Elisapeta
4. Tōmasi Kulīmoetoki
Pea mali mo Mele 'o na fanau'i 'a:
5. Holokaukau Talatala
6. Sela Tu'ifua
Ko Seini Ulamoleka
Ko e tama ʻa Seini Ulamoleka ʻe taha ʻoku aʻu ki ai ʻa e ʻiló, ko e tangata ko Meipulu 'i Falaleu.
Nouti mo e Ma'ungatala
* Tohi Hohoko 'a Litia Loloheatoki Ve'emolo Litia Luscombe
* Po'oi koe hingoa fakanofo
Ko Sitīveni Ulamoleka
Ko Sitīveni Ulamoleka leva na'e mali 'o 'Ilaisaane Lolohea Faka'iloatonga 'o ma'u ai ʻa e fāmili ʻoku makatuʻunga ai ʻa e tohi hohokó ní:
1. Vāsiti Teukialupe Ulamoleka Lātū
2. 'Atuikapapalangi
3. Mā'ata Mafi Ulamoleka Taukolo
4. Sisīlia Toumo'ufiholo Ulamoleka Lavulo
5. Tēvita Kaufusi Ulamoleka
6. Mele Munakifalemei
7. Falefehi Ulamoleka
8. Longo Ulamoleka Heritage
Ko Fakaʻiloatonga
Ko e tupuʻanga ʻo ʻIlaisaane Lolohea Fakaʻiloatonga ne maʻuhoa mo Sitīveni Ulamoleká
Ko e Tuʻikanokupolu hono 4 ko Mataele Haʻamea.
Ko e taha e ngaahi foha ʻo Mataele Haʻamea TK4 ko Tuituiohu.
Ko e fānau ʻa Tuituiohú ko:
1. Fīnau ʻUlukālala
2. Mateitalo
Ko ʻena faʻeé ko Tufui Lātūfuʻipeka
3. Pasiaka
Ko ʻene faʻeé ko Ngaluʻafafine
4. Fīnau Pipiki
Ko ʻene faʻeé ko Tulukava
5. Fangaake
6. Naupongi
Ko ʻena faʻeé ko Ate
7. Kavakehe
ʻOku ʻikai maʻu e hingoa ʻo ʻene faʻeé.
Ko Pasiaka mo ʻene fānaú ko:
1. Halaʻapiʻapi
Ko ʻene faʻeé ko Tuʻilalotonga
2. Poponātui Fakaʻiloatonga
Ko ʻene faʻeé ko Manumeiono
3. Fifitaloa
4. Loloheatoki
Ko ʻena faʻeé ko Tamutamu
Ko Poponātui Fakaʻiloatonga mo ʻene fānaú ko:
1. Loloheavavaʻu
Ko ʻene faʻeé ko Loloheatonga
2. Solomone Halaʻapiʻapi
3. Mateialona
Ko ʻena faʻeé ko Mātanga
4. Sāmiu Tupou
Ko ʻene faʻeé ko Luseane Pasipeakole
5. Sālome Kavapapālangi
ʻOku ʻikai maʻu e hingoa ʻo ʻene faʻeé.
Ko Mateialona mo ʻene fānaú ko:
1. Takapautolu
2. Mākisi Fakaʻiloatonga
Ko e fa'e 'a Mākisi Fakaʻiloatongá ko e 'ofefine 'oe Tu'i Macuatá 'i Fisi.
Ko Mākisi Fakaʻiloatonga
Naʻe fuʻu fiemaʻu ʻi he kuonga ko iá ha taha ke folau ki Fisi ʻo 'omai ha kalia foʻou ke hoko atu ʻaki ʻe ngaahi maaʻimoá. Ne pole ai ʻe Mākisi Fakaʻiloatonga 'a e ngāué ni. Ne talotalo e Tuʻí, ka ola lelei e folaú, ko e fē pe motu ʻe foki mai ʻo hake aí, ʻe foaki ia maʻana, ʻo kapau ʻoku teʻeki ha ʻeiki maʻu tofiʻa ai. Ko ia ne fai atu pea ola lelei e folaú, pea maʻu e fuʻu kaliá, pea nau tafoki mai ia ki Tonga. Ko e fua motu pē ne nau tuʻuta ki aí ko Ha'afeva. Ne fakaongo atu ko e tofi'a 'ia ʻo Tu'uhetoka, kā ke nau hoko atu ko e Tuʻí ena ʻi Nukuʻalofa. Ne toe heka e kau fonongá ki vaka ʻo hoko atu e folau pea nau hake ai ki he motu ko Pangaimotú. Naʻe mokoi e finangalo ʻo e Tuʻí pea tō ai ʻa e motu ko Pangaimotú moʻo Mākisi Fakaʻiloatonga pea vahe ange mo hono 'api 'i Nuku'alofa ko Navosa. Pea ko ia ne nofo Nukuʻalofa ai pē ʻa Mākisi Fakaʻiloatonga mo hono fāmili ʻi he kuonga ko iá.
Nouti mo e Maʻungatala:
* Fakamatala ʻa Sioeli Poʻoi Kaufusi mei heʻene Tangataʻeikí, Fakaʻiloatonga Soliʻai Kaufusi
* Na'e kau ki hono ʻomai ʻo e kaliá mei Fisí ʻa Vili Ongosia mo Nēmani, pea ne hokohoko mai ai pē ʻa e fetauhiʻaki ʻa e ngaahi fāmili ʻo e kau tangatá ni. ʻOku hokohoko atu pē ʻa e fekumí pea ka ʻi ha taha ʻe lava tānaki mai ko e koloa ia ki he tohi hohokó ni.
Ko e Fāmili ʻo Mākisi Fakaʻiloatongá
Naʻe maʻuhoa ʻa Mākisi Fakaʻiloatonga ki he fefine ko Pauline Toʻuika, ko e ʻofefine ʻo ʻUhatafe 'o Lapaha.
Ko e fānau ʻa Mākisi Fakaʻiloatonga mo Pauline ʻUhatafé ko:
1. ʻIlaisaane Lolohea
2. Lesieli
3. Salaʻivai
4. Simione Fakaʻiloatonga*
5. Seini Manumeiono
6. ʻAkanesi
7. Mōsese Fatuimoana Fakaʻiloatonga*
Ko 'Ilaisaane Lolohea
Ko 'Ilaisaane Lolohea naʻe mali mo Sitīveni Ulamoleka 'o ma'u ai ʻa e fāmili ʻoku makatuʻunga ai ʻa e tohi hohokó ní:
1. Vāsiti Teukialupe Ulamoleka Lātū
2. 'Atuikapapalangi
3. Mā'ata Mafi Ulamoleka Taukolo
4. Sisīlia Toumo'ufiholo Ulamoleka Lavulo
5. Tēvita Kaufusi Ulamoleka
6. Mele Munakifalemei
7. Falefehi Ulamoleka
8. Longo Ulamoleka Heritage
Ko Lesieli Fakaʻiloatonga
Ko Lesieli na'e 'i ai 'ene tama ko 'Anau.
Ko e foha o 'Anau ko Longosai 'One'one.
Ko Salaʻivai Fakaʻiloatonga
Na'e 'ikai ha hako 'o Sala'ivai.
Ko Simione Fakaʻiloatonga*
Ko Simione na'e Faka'iloatonga. Na'e 'ikai 'i ai hano hako.
Ko Seini Manumeiono Fakaʻiloatonga
Ko Seini Manumeiono na'e mali ia mo Kuila pea ko 'ena fanau ko:
1. Sālote Kuila
2. Funaki Kuila
3. Misele Kuila
4. Lasini Kuila
5. Sione Kuila
Ko Sālote na'e mali mo Lousī pea ko 'ena fanau ko:
1. Puli Lousī
2. Viliami Takapautolo Lousī
3. Sālote Lousī
4. Joe Lousī
Ko Lasini ko 'ene pusiaki 'a Vili Nemani. Ko Vili ko e foha 'o Nēmani ne kau he folau mai mo e kalia, pea mo e hoa 'o Nēmani ko Hulitā.
Nouti moe Ma'ungatala:
* Ngaahi Vahevahe 'a Viliami Takapautolo Lousī (Sepitema 2021) ko e mokopuna 'o Seini Manumeiono Faka'iloatonga.
Ko ʻAkanesi Fakaʻiloatonga
Ko 'Akanesi na'e 'ikai 'i ai hano hako.
Ko Mōsese Fatuimoana Fakaʻiloatonga*
Ko Mōsese Fatuimoaná na'e Fakaʻiloatonga. Na'e mali ia mo e fefine ko Vika, na'e 'iloa pe ko Vika Mō. Na'e 'ikai ha'a na fānau. Pea ne mālolo 'a Mōsese pea fakauitou ai pe 'a Vika Mō 'i Navosā 'o a'u ki he'ene pekiá.
|
|
Ngaahi Liliu
[231222] Fokotuʻu ʻo e peesí ni.
[220923] Liliu hono hiki e hingoa 'o Navosa ki he Navosa, mei he he Navosaa.
|
|
